Couradje Ça n’ sièrve a rin de s’ dègrougni,
Tèrèye la trougne a s’ fâre mouri.
Bin sûr ce n’ èst m’ âji d’ viki
Ôs djoûs d’ anieû, ça n’ rigole mi. Mês a cwè bon s’ fâre don mieuron,
S’ mougni la rate, s’ crèvèye l’ plafond !
Èl taps ki passe arandje t’t-afât.
I fôt bin rtrouvèye don couradje. Mième si on doût crigni dès dats,
Rmontèye la couôte, fonci das l’ vat.
Sûr, note vîe vôt k’ on la vikiche,
K’ on atiche pouôve, k’ on atiche ritche. Gn-ann-è trop asteûre ki ant fiè ;
Tchèkin doût savwèr partadji.
Alors, cè srout si bon, noume don,
D’ royi dès tchants das lès mêjons. Léon Gillet
(gaumais de Saint-Léger)
