Pluk'tâdje

…ègn’tî djusqu’a dins l’trèfond d’si-y-âme. Robert Mayence vèyeut vol’tî l’walon èy’ i l’sicrîjeut al lècsion. Çu qui l’mwéjisseut, c’esteut lès cés qui s’sièv’nut d’in lingâdje bastârdè, les cés qui sont trop fâdes pou prinde li pwène di sognî leû walon; adon, Robert n’aveut d’pârdon pou zèls èy’ i n’èsteut né bon d’yèsse a leû place ! C’è-st-ôtou d’li ou bé dins sès souv’nances qu’il-aleut r’qwé çu qu’i scrîjeut : i nos d’viseut dès djins di s’coron; di sès ribotes di Mad’lène, di s’mame qu’i vèyeut si vol’tî, di sès premîs fréquantâdgjes, di l’Afrique èyu c’qu’il-aveut boutè saquants-anéyes… Tout çoula vikeut, spiteut, frum’jîyeut a pléji !