Lu mirwé

Mirwé pindu dins tchèque mâjan
V’ atéz ‘n’ présance pou tous lès âdjes
Qui v’ atinche bié, grand, long ou rond
V’ analisèy tous lès visatches.

Ô mirwé d’ note pitite djeunèsse
Vous nous éz veut brâre bin souvint
Mâs an plout î lîre la proumèsse
Qui dj’ alins rîre tous lès londmins.

Dès djônes fîyes qui d’lé vous s’ mirant
Voyant couléy du lon d’ leûs djoues
Dès pèrles d’ amoûr du leûs vingt ans
Quand leû ptit keûr èst sous l’ deussous

Èt quand lès mariés s’ î rwâtant
Vous duvinèy su leûs visatches
Toutes lès pinsées qu’ i vôrint tant
Su partadji aveut couratche

Si ène vîye feume veut v’ quèstiouner
Vous lî rflètèy sès tchveus blantchis
Sès pates d’ oûye dès tracas passés
Ô mirwé, vous n’ pléz rin trahi

© Fernande WEYLAND  revue SingulierS 4e trimestre 2022, Neufchâteau, Belgique

En gaumais de Habay Malêji mots brâre: pleurer
mâjan:…