In djon.ne solé brét dins l’ hastrèle,
Seu l’ mousse ou cûr dès nwârs tchayés,
Rtchaufant lès pîres èt lès èstèles
Leumant lès éwes, l’ long dès pazés. Sa leumîre teume, coume vint la nîve,
A plin.nes brèssîyes deusseus lès pwin.nes ;
Lès stwâyes ont glissî dseus la rîve,
Tchandèles de glace, ôr dès bidin.nes. Dseus lès labours, in pô d’ feumîre :
In lîve al cwète coume in soké,
Leu poye loûjant, tran.ne ou solé,
Timps keu dj’ m’ èva pa l’ ceumintîre Rwâmant lès foyes, lès fanes, l’ èsté,
Pîsintes, neutîyes – atadjes deu djîle –
Leu cûr sèré ki brét ki pîle,
Cand lès anéyes veunant tokler…
Jules Boulard *
(wallon de Jéhonville)
Malêjis mots
alotche : en mauvaise santé, sans entrain
atadje deu djîle : fleur piquante de la bardane
bidin.ne : galet de rivière
cûr : cœur
èstèles : copeaux de bois issus de l’abattage d’un arbre à la hache
hastrèle : bois de…
