Vola co ène ânèye d’ èvôye ;
Èlle ènn-îront turtotes insi.
Nos-alans rtrover, so nos vôyes
Dès-ôtès djôyes, dès-ôtes soucis. Dispôy ki vos m’ vèyez foû climpe,
Èt ki dj’ a mâ tos mès-ôhês,
Por mi, vos-avez stu ‘n-ègzimpe,
Ossi adjète k’ on djône oûhê. Vos-èstez tofêr a mès trosses,
Çoula po m’ diner on côp d’ min
Tot savant bin ki dj’ so halcrosse,
Ki dj’ cwîre al catchî adrètmint. Asteûre, po voste anivèrsêre,
Sincérmint, dji vin v’ sohêtî
D’ aveûr todi vosse nècèssêre,
Èt di n’ mây aveûr a v’ hontî. Sayî d’ wârder li coûr è lièsse,
Èt dimorez ureûse lontins ;
Ni v’ fez surtout nin dès mås d’ tièsse,
Èt dinez-v’ tot plin dè bon tins ! Voste ome ki v’s-inme.
Marcel David * (en wallon de Harre) Malêjis mots
adjète : adroit, agile
(foû) climpe : hors de la verticale
halcrosse : maladif
ôhê : os
oûhê : oiseau
tofêr : chaque fois
wârder : garder.…
