Gn a-t i co bén 300.000 ? Metoz deus Walons eshonne, c’ est deus soçons. Metoz è on troejhinme, ça n’ tådje nén po pouwer l’ agnon. Avou l’ cwatrinme, dji vs el waeranti, i s’ vont ploter so waire di tins.
Kécfeye nén a côps d’ bordon. I s’ è ténront a forbate sins fén po des faflotes. Pocwè l’ cok ?
Dj’ el vou bén croere k’ il ont tchoezi l’ imådje d’ on cok po les rprezinter : li cok, i n’ tchante ki so s’-t ansinî. Et des ansinîs, i gn a padvant tchaeke måjhone. C’ esteut ddja come ça vola deus meye ans cwand l’ grand Djule lezî a vnou rlater ene tripotêye. I s’ årént yeu metou eshonne adon… Li djoû d’ ådjourdu, c’ est co tot fén parey. I gn a nouk po rsaetchî si sporon po l’ ôte : s’ i fåt, i s’ batront a moirt come deus coks di sôre [de race]. Nén po esse li pus foirt, mins bén po esse li dierin comoudri a wårder l’ fistou d’ ewou k’ i sont les mwaisses.
Ki les vîs coks si plotnuxhe…
La situation des réfugiés du Camp Sud n'est guère brillante. Forcés de fuir une Europe dévastée…
Un récit qui se passe dans l'Italie du XVe siècle et met en scène le personnage…