Istwere di l’ Afrike

So mes nouv ans å Bouroundi C’ est on payis eyou dj’ a dmoré 9 ans di 1971 disk’ al fén d’ 1980. Metou å coron d’ n’ onk l’ ôte, dj’ a dmoré e l’ Afrike dipus d’ 23 anêyes di 365 djoûs, di 1953 a 1984. Dji n’ vos dvizrè nén do disdut k’ i gn a asteure. Dji n’ a pus waire di contaks avou les djins d’ avår la. Courtinnmint, dji dirè ki les moenneus des payis afrikins å djoû d’ ådjourdu, ci n’ est nén todi les pus meritants, ni les pus maléns.
Mins cåzans di çou k’ dji cnoxhe bén, après awè viké dijh anêyes di ç’ costé la (èn an « so campagne » å Rwanda di 1953 disk’ e 1954 eyet nouv ans å Bouroundi di 1971 disk’ e 1980. – Bouroundi et Rwanda I fåt sawè k’ el Bouroundi eyet l’ Rwanda, s’ vijhén, c’ est des « copies conformes » : onk rishonne a l’ ôte, tafwait come des djermales. Les djins do Rwanda sont tot pareys a les cis k’ dj’ a cnoxhou å Bouroundi : Houtu (85 %), Toutsi (14 %) eyet Twa (des…